डा.उपेन्द्र देवकोटालाई भेट्दै बाबुरामले भने–‘असल मित्रकै रुपमा यो संसारबाट विदा हुनुपर्छ’

काठमाडौं– पूर्वप्रधानमन्त्री एवम् नयाँ शक्ति पार्टीका संयोजक डा.बाबुराम भट्टराईले  उपचाररत बरिष्ठ न्यूरो सर्जन डा.उपेन्द्र देवकोटासँग भेटेका छन् । विगत लामो समयदेखि अस्वस्थ रहेका डा.देवकोटालाई नेता भट्टराईले राजधानीको बाँसबारीस्थित न्यूरो अस्पतालमा पुगेर भेट गरेका हुन् ।

डा.देवकोटा नेता भट्टराईका बाल्यकाल देखिका साथी समेत हुन् । डा.देवकोटाको स्वास्थ्यस्थितिबारे बुझ्न बिहिबार अस्पताल पुगेका भट्टराईले देवकोटा सँगको भेटलाई स्मरण गर्दै दुवैले पुराना यादहरुको सम्झना गरेको बताएका छन् । भट्टराईले देवकोटा उपचारका क्रममा रहेपनि उनको तीक्ष्ण स्मरण शक्ति र दृढ अठोट यथावत देखेको र उनी सोचेजति गम्भीर विरामी नभएको अनुभूत गरेको जनाउँदै प्रकृतिमा हुने आकस्मिकता र सम्भावनाहरुको नियमहरुले उनी स्वस्थ रहने आशा पलाएको बताएका छन् ।