मगरको छोरो हुँ, लोकल रक्सी’बारे मलाई थाहा छ : गृहमन्त्री थापा

 

गृहमन्त्रीले नेपाललाई रक्सीमुक्त बनाउन लागेको चर्चा चलेपछि बुधबार बिहान आदिवासी जनजाति महासंघका नेताहरुले पुल्चोकस्थित मन्त्रीनिवासमै पुगेर गृहमन्त्री रामबहादुर थापासँग भेट गरेका छन्   ।
आदिवासी जनजातिहरुको पूजाआजामा रक्सी आवश्यक पर्ने र भगवानलाई प्रसादका रुपमा रक्सी चढाउने गरिएको जनजाति नेताहरुले गृहमन्त्रीलाई सुनाए । मन्त्री वादललाई उनीहरुले भने ‘जनजातिको चाडबाडमा विदा कटौती गरियो, त्यसैगरी सांस्कृतिक रुपमा प्रयोगमा आउने रक्सी उत्पादनमा पनि रोक लगाउन खोजिएको हो कि भन्ने हामीमा आशंका पैदा भएको छ ।’

आदिवासी जनजातिको बिहेबटुलो एवं आफन्तजनको भेटघाटमा लोकल रक्सी कोसेलीका रुपमा लैजाने गरिएको सुनाउँदै आदिवासी जनजाति नेताहरुले गृहमन्त्रीलाई भने- ‘सरकारले कोदोको रक्सी बन्द गर्दा  हामीले  देउतालाई  वियर वा रोयल स्ट्याग चढाउनुपर्ने अवस्था नआओस् ।’
आदिवासी जनजातिले उत्पादन गरेको लोकल रक्सी घोप्ट्याउने अनि मल्टिनेशनल कम्पनीको उत्पादनलाई छुट दिइरहने हो भने अन्या हुने जनजाति नेताहरुको गुनासो थियो । जनजाति नेताहरुले लागू औषध नियन्त्रणमा भने सरकारलाई पूर्णरुपमा साथ दिने गृहमन्त्रीलाई बताए ।
 लागू औषध पूर्णरुपमा बन्द गरिनुपर्ने उनीहरुको भनाइ थियो । जनजातिहरुको कुरा सुनिसकेपछि गृहमन्त्री थापाले स्पष्ट पार्दै भने  ‘हामीले जाँडरक्सी पूरै बन्द गर्ने भनेका हैनौं, यसलाई नियन्त्रण र ब्याबस्थापन गर्ने भनिएको हो । म  पनि मगरको छोरो हुँ, यति कुरा मलाई राम्रो संग  थाहा छ ।  अनलाइन खबर बात साभार