काठमाडौँः नेपालका पूर्व राष्ट्रिय फुटबलर तथा नेपाली म्यारोडोनाको उपमा पाएका लिजेण्ड मणि शाहको सोमबार साँझ निधन भएको छ ।
५१ वर्षिय शाह विगत लामो समयसम्म कलेजोको समस्याबाट पीडित शाहको उपचारका क्रममा सोमबार साँझ ५ बजेर ४२ मिनेटमा नर्भिक अस्पतालमा निधन भएको हो ।
मङ्गलबार बिहान नौ बजेदेखि ११ बजेसम्म शाहको पार्थीव शरीरलाई अन्तिम श्रदाञ्जलीका लागि दशरथ रंगशालामा राखिने अखिल नेपाल फुटबल संघ९एन्फा० ले बताएको छ । त्यसपछि पशुपति आर्यघाटमा शाह अन्त्येष्टि गरिने एन्फाले बताएको छ ।
अखिल नेपाल फुटबल संघ एन्फाका अध्यक्ष कर्माछिरङ शेर्पाले नेपालका सर्वकालिक महान एट्याकिङ मिडफिल्डर शाहको निधन भएको वताए ।
सन् १९८४ देखि १९९८ सम्म लगातार १३ वर्ष नेपाली राष्ट्रिय फुटबल टोलीबाट खेलेका शाहले १० अन्तर्राष्ट्रिय गोल गरेका छन् ।
सन् १९९८ को एसियाली खेलकुदमा नेपालको झण्डा फरफराउने सौभाग्य पाएका शाह एसियाली खेलकुदमा देशको झण्डा फरफराउने अहिलेसम्म कै एक मात्र फुटबल खेलाडी हुन् ।
उनका श्रीमती र १ छोरी छन् । यसअघि एन्फाले शाहको सम्पुर्ण उपचार खर्च बेहोर्ने निर्णय गरेको थियो ।
No comments:
Post a Comment